विपद् व्यवस्थापनमा सरकारको कार्यशैलीमाथि प्रश्न उठाएका कोशी प्रदेशका आर्थिक मामिला तथा योजना मन्त्रालयका सचिव एवं नेपाल सरकारका सहसचिव कोषहरि निरौलालाई गरेको सरुवाले प्रशासनिक वृत्तमा नयाँ बहस जन्माएको छ ।
गत शनिवारमात्र निरौलाले फेसबुकमा ‘फोकटको सल्लाह’ भन्दै सरकारलाई लामो सुझाव दिएका थिए । कोभिडकालमा मोरङको प्रमुख जिल्ला अधिकारी रहँदा आफ्नो टिमले शव व्यवस्थापनबारे गरेको कामको फेहरिस्त राख्दै धर्म, परम्पराअनुसार अन्तिम संस्कार गर्न पाउनुपर्ने र शव गाड्नु नहुने तर्क राखेका थिए । यसरी सामाजिक सञ्जालमा विचार राखेकै भोलिपल्ट काजमा सरुवा रसुवा सरुवा गरिएको हो । २०७२ को भुइँचालोमा नुवाकोट र २०७७ को कोभिड १९ महामारीताका मोरङमा सिडिओ रहेका समयमा गरेको कामको अनुभव सामाजिक सञ्जालमा लेखेपछि सरकारले बिदाको दिन समेत नभनी उनको आकस्मिक सरुवा गरेको छ ।

बिज्ञापन

हाल कोशी प्रदेश सचिव कोषहरि निरौलालाई संघीय सरकारले शव व्यवस्थापनका लागि भन्दै रसुवाको टिमुरे खटाइएको छ । भूमि व्यवस्था, सहकारी, संघीय मामिला तथा सामान्य प्रशासन मन्त्रालयले आइतबार मन्त्रीस्तरीय निर्णय गरेर उनलाई टिमुरे खटाउने निर्णय गरेको हो ।